| جو الفت میں مانگا تھا یہ وہ نہیں ہے |
| جوسپنوں میں دیکھا تھا یہ وہ نہیں ہے |
| مرے دل پہ قبضہ تھا جس کا ازل سے |
| میں جس دل میں رہتا تھا یہ وہ نہیں ہے |
| جسے دیکھنے کو مری ہی گلی میں |
| مرا دل تڑپتا تھا یہ وہ نہیں ہے |
| جسے دیکھ کر بے خودی میں ہی اکثر |
| میرا دل مچلتا تھا یہ وہ نہیں ہے |
| ہمہ وقت جس کو یہ اپنی خوشی سے |
| مرا دل مناتا تھا یہ وہ نہیں ہے |
| تمنا میں جس کی محبت میں جس کے |
| مرا دل سلگتا تھا یہ وہ نہیں ہے |
| عقیدت میں جس کی نصیحت بھی اس کی |
| مرا دل یہ سنتا تھا یہ وہ نہیں ہے |
معلومات