| یہ عبادت ہے کامِل, اے مِرے دل |
| جیت انسان کا دل, اے مِرے دل |
| وہ لگاتے ہیں مَحْفِل, اے مِرے دل |
| توڑ دے یہ سَلاسِل, اے مِرے دل |
| بس کہ وارفتگی سے چلتا جا |
| کچھ نہیں دشت و مَحْمِل, اے مِرے دل |
| دے سَہارا شِکَسْتہ پائی کو |
| آ گئی پاس منزِل, اے مِرے دل |
| خانہ بربادی کو مِری, اُن ساتھ |
| ہو گیا تُو بھی شامِل, اے مِرے دل |
| اُن کے پَہْلُو سے چِپکا رہتا ہے |
| کبھی مجھ سے بھی آ مِل, اے مِرے دل |
| تُو مَتاعِ غُرُور تھا میرا |
| ہو گیا تُو بھی مائِل, اے مِرے دل |
| جان اُس نے بڑی اَدا سے لی |
| بھا گیا مجھ کو قاتِل, اے مِرے دل |
| جانے کیا کہہ گیا اِنہیں صَیّاد |
| سَہْمے سے ہیں عَنادِل, اے مِرے دل |
| عشق میں ماسوائے ہِجْر و وِصال |
| اور بھی ہیں مَراحِل, اے مِرے دل |
| چند قدموں کی رہ گئی منزل |
| صبر کر اے مِرے دل, اے مِرے دل |
| پیش کعبہ بھی ہے صنم کَدہ بھی |
| ہے عجب آج مُشْکِل, اے مِرے دل |
| تجھ کو عرفانِ مَعْرِفَت ہو گا |
| دیکھ اشعارِ بیدلؔ ؒ¹, اے مِرے دل |
| ہٹ گئے سب حِجاب نَظّروں سے |
| آئِینَہ تھا مُقابِل, اے مِرے دل |
| تیری آہوں سے ہی, خُدا شاہدؔ |
| بُجھ گئی شمعِ مَحْفِل, اے مِرے دل |
| ¹ابوالمعانی مرزا عبدالقادر بیدلؔ ؒ |
معلومات