| مقصودِ نعرہ کن بھی سرکار کی ثنا ہے |
| تاباں ہے دہر جس سے دلدار کی ضیا ہے |
| یادِ خدا کے ہمراہ مدحت ہے مصطفیٰ کی |
| ہستی میں ہر زباں پر توصیفِ دلربا ہے |
| ہیں زد میں رحمتوں کے کونین کے جہاں سب |
| آیا کرم ہے جس سے مختار کی عطا ہے |
| کس سے وجودِ ہستی کس کے لئے یہ رونق |
| لولاک کہہ کے رب نے کوثر انہیں دیا ہے |
| ڈنکا عُلیٰ نبی کا بجتا ہے دو جہاں میں |
| ذکرِ جمیل اُن کا کرتا وہ کبریا ہے |
| قائم وجودِ ہستی سرکار کے کرم سے |
| جانِ جہاں کریمی دلدارِ کبریا ہے |
| محمود شان اُن کی بعد از خدا ہے اعلیٰ |
| محبوبِ رب خلق میں محبوبِ دو سریٰ ہے |
معلومات