| زوال حسن بھی ہو گا اسے خیال آیا |
| جب اس کی زلف میں پہلا سفید بال آیا |
| خدا کا شکر بھلے مختصر سہی لیکن |
| ہمارے حصے میں آیا ہے جو حلال آیا |
| جناب شیخ کی عزت کا پھر بنے گا کیا |
| جو ان کی پگڑی ہوا میں کوئی اچھال آیا |
| خدا کے سامنے محشر میں تو کرے گا کیا |
| یہاں گناہ تو اوروں کے سر پہ ڈال ایا |
| ہمارے اپنے ہی ہاتھوں کی سب کمائی ہے |
| ہماری جان کے اوپر ہے جو وبال آیا |
| ملال کرتے نہیں آخرت بگڑنے پر |
| کسی کی دنیا بگڑنے پے ہے ملال آیا |
| مثال اس کی نہیں مل سکی زمانے میں |
| وہ ایک شخص زمیں پر جو بے مثال آیا |
معلومات