| رب کا حبیب پیارا آقا نبی ہمارا |
| دارین کا ہے داتا کونین کا سہارا |
| اس دشتِ میں پنپنا آسان ہو گیا پھر |
| دلدار کے کرم نے سارے غموں کو مارا |
| مایوس جب کیا ہے دنیا میں مشکلوں نے |
| سرکار مصطفیٰ سے کامل ملا ہے چارہ |
| درماں دکھوں میں کامل سرکار کی عطا ہے |
| بوسیدہ ناؤ کو ہے در مصطفیٰ کنارا |
| دانِ نبی سے پھیلا توحید کا اُجالا |
| اذہانِ خلقِ رب کو ہادی نے یوں نکھارا |
| دشمن ہیں میرے پکے شیطان و نفس یارو |
| الطافِ مصطفائی عمدہ بنے ہیں یارا |
| محمود حسُنِ ہستی عکسِ جمال اُن کا |
| جن سے وجودِ عالم ہے شادمان سارا |
معلومات