| ہم اپنے درد دل کا ، عنوان ڈھونڈھتے ہیں |
| اچھا مجھے کرے ، وہ انجان ڈھونڈتے ہیں |
| دل کی گلی میں آیا کوئی ہے چپکے چپکے |
| کیسا ہے ،کون ہے، وہ مہمان ، ڈھونڈتے ہیں |
| اب کے جنوں نے ایسا، کچھ کھیل ہے رچایا |
| مٹی کی مورتوں میں انسان ڈھونڈتے ہیں |
| اچھے، برے، بھلے کی کوشش تو کیجیۓ کچھ |
| پھر ، منزلوں کا کوئی امکان ڈھونڈھتے ہیں |
| پہرا ہے دل پہ ایسا ان کی محبتوں کا |
| نکلیں جو گھر سے باہر، دربان ڈھونڈتے ہیں |
| راہِ وفا میں بے حس، چلنا سنبھل سنبھل کے |
| راہِ وفا تو ہر دم ، میزان ڈھونڈھتے ہیں |
| بےحس کلیم |
معلومات