| مَیں سرِ مقتل لئے سر آ گیا |
| دیکھ کر دشمن مرا گھبرا گیا |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| عشق نے بخشا مجھے اتنا عروج |
| مَیں زمیں سے آسماں تک آ گیا |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| میں بظاہر مسکراتا ہوں بہت |
| مجھ کو اندر سے ترا غم کھا گیا |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| ہر طرف آہ و فغاں ہے آج کل |
| درد کا موسم جہاں پر چھا گیا |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| چاک پر بننے لگے پھر سے چراغ |
| روشنی کا دَور پھر سے آ گیا |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| اس قدر تھا درد اُس آواز میں |
| روح تک میری کوئی تڑپا گیا |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| آپ کو بخشا گیا حسن و جمال |
| آئینہ بھی دیکھ کر شرما گیا |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| ہاں حقیقت ہے یہی انسان کی |
| جو مقدر میں لکھا تھا پا گیا |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| کون اپنا ہے پرایا کون ہے |
| وقت مانی سب مجھے سمجھا گیا |
معلومات