| درمدحتِ اصحابِ مصطفیٰ رضی اللّٰہ تعالیٰ عنہم اجمعین |
| عرض نمودہ : محمد حسین مشاہد رضوی |
| خدا کے رضی ہیں نبی کے صحابہ |
| سبھی جنتی ہیں نبی کے صحابہ |
| خدا اُن سے راضی، نبی اُن سے راضی |
| بڑے ہی دھنی ہیں نبی کے صحابہ |
| نہ غالب کبھی ہو سکا اُن پہ باطل |
| کچھ ایسے قوی ہیں نبی کے صحابہ |
| وہ مردانِ میداں وہ فخرِ شہیداں |
| نہایت جری ہیں نبی کے صحابہ |
| نجومِ ہدایت کہا اُن کو شہ نے |
| ہمارے نجی ہیں نبی کے صحابہ |
| وہ سب کچھ لٹا دیتے ہیں دینِ حق پر |
| بہت ہی سخی ہیں نبی کے صحابہ |
| ہیں صدیق و فاروق و سلمان و بوذر |
| غنی ہیں علی ہیں نبی کے صحابہ |
| قیامت تلک عظمتوں رفعتوں کا |
| نشانِ جلی ہیں نبی کے صحابہ |
| وہ کذّاب ہے جو برا اُن کو بولے |
| دُرِ راستی ہیں نبی کے صحابہ |
| ہیں قرآں کی آیات اُن کی ثناخواں |
| رُخِ برتری ہیں نبی کے صحابہ |
| سراپا وفا و صفا زہد و الفت |
| سبھی متّقی ہیں نبی کے صحابہ |
| احادیث بھی کر رہی ہیں اشارہ |
| تمام آہنی ہیں نبی کے صحابہ |
| لکھوں کیوں نہ اُن کے مناقب مشاہد |
| مری زندگی ہیں نبی کے صحابہ |
معلومات