| رات بھر میں کہاں ہوں سو پایا |
| چین دن کو بھی تو نہیں آیا |
| زندگی کیوں نہ مُعتبر کر لیں |
| ایک دوجے کے دل میں گھر کر لیں |
| کتنی آسان بندگی ہو جائے |
| دل کی جو صاف گندگی ہو جائے |
| کچھ خیالات جو در آئے ہیں |
| لکھ کے قرطاس پر سجائے ہیں |
| ان خیالات کو ہی کہہ لیں سُخن |
| ذہن ہوتا ہے ان سے ہی روشن |
| تازہ گُل جن سے ہے یہ بُوئے چمن |
| وار دیتا ہوں اِن پہ تن من دھن |
| تم خیالات میں جو آ جاؤ |
| بن کے احساس سا جو چھا جاؤ |
| میں قلم لے کے تم کو لکھتا ہوں |
| دیکھ کر آئنہ سنورتا ہوں |
| کرتا مجذوب ہے تمہارا ساتھ |
| مجھ سے لکھوائے ہے تمہارا ہاتھ |
| میرے دل میں ہوا جو بلوہ ہے |
| اس کا باعث تمہارا جلوہ ہے |
معلومات