| خوش نِہاد و خوش مزاج و خوش خصیل |
| آبروئے مُلک و دیں طارق جمیل |
| کوثر و تسنیم میں دُھلتی زباں |
| لفظ و معنی کا جہانِ سلسبیل |
| ربّ اعلیٰ کی ثنائے بے مثال |
| الطویل و الطویل و الطّویل |
| مِدحتِ خیرالوری میں چاشنی |
| اُمّتِ مرحوم میں بانگِ رحیل |
| یا کلامِ پاک سے نصِّ صریح |
| یا صِحاحِ سِتّہ سے پختہ دلیل |
| ہر بیاں قرآن و سُنّت کی زباں |
| جیسے کعبے میں صدائے جبرائیل |
| کفر کی قحبہ گری میں زلزلے |
| شرک و گمراہی میں صُورِ اسرافیل |
| ایستادہ اس طرح پیر و جواں |
| جیسے صحرا میں نخیل اندر نخیل |
| کس قدر خوش بخت ہیں وہ والدین |
| جن کو خالق نے دیا بطلِ جلیل |
| کون ہے امید تیری کیا بساط |
| خامہ فرسائی طویل عملاً قلیل |
معلومات