| مرے نبی کی ہے مجھ پہ واللہ نگاہِ لطف و عطا مسلسل |
| نبی کے در سے علیل دل کو یوں مل رہی ہے شفا مسلسل |
| قصیدے رحمت کے ہیں لبوں پر مدینے سے جو بھی آ رہےہیں |
| نبی کے در سے یوں جھولیاں بھر کے آ رہے ہیں گدا مسلسل |
| مدینے جانے کی آرزو میں یہ دل تڑپتا ہے روز میرا |
| بلائیں گے وہ ضرور تجھ کو تو دل سے کر التجا مسلسل |
| رسولِ اکرم سے عشق ہی تو صراط حق ہے یقین رکھنا |
| دعا ہے تجھ سے اے میرے مالک تو راہ حق پر چلا مسلسل |
| ذلیل ہے وہ شریر ٹولہ جو روز فتنے اٹھا رہا ہے |
| یہی تو ہے بد نصیب طبقہ جو کر رہا ہے خطا مسلسل |
| عتیق جنت کے وارثوں سے الجھ کے جنت نہ جائیں گے وہ |
| جلیں گے دوزخ کی آگ میں وہ ملے گی ان کو سزا مسلسل |
معلومات