| خوشی کا ساتھی بنے زمانہ دکھوں میں کوئی نہ کام آئے |
| عروج پر ہو نصیب جب تک یہاں سبھی کا سلام آئے |
| فقط نمازیں پڑھانے والا جو خود کو رہبر سمجھ رہا ہے |
| سنبھالے آکر بکھرتی امت ہو واقعی گر امام آئے |
| یہ آرزو ہے یہ التجا ہے خدائے واحد مری دعا ہے |
| پکارے کوئی جو روز محشر تو نیک لوگوں میں نام آئے |
| کہ عدل و انصاف تو یقینا ہے دین اسلام کی ہی خوبی |
| کوئی بھی انصاف کر نہ پایا جہاں میں کتنے نظام آئے |
| یہ جھوٹ و سچ کی ہے جنگ ازہر چلی مسلسل ہے اور چلے گی |
| جہاں بھی راون کا راج آیا وہیں پہ دیکھو ہیں رام آئے |
معلومات