| حقیقت ہو عیاں سچ کب کہاں باطل سے ملتا ہے |
| سبق اخلاق کا اقدار کے حامل سے ملتا ہے |
| مقدّر مہرباں ہو جب کبھی ایسا بھی ہو جائے |
| سفینہ بھول کر رستہ ہی جا ساحل سے ملتا ہے |
| نہیں ہے ظلمتِ شب چھوڑتی مجھ کو کبھی تنہا |
| جو چہرہ سامنے آئے مہِ کامِل سے ملتا ہے |
| حسینوں سے مجھے ملتے ہوئے کچھ ڈر تو لگتا ہے |
| کہ چہرہ چاند کا بھی خنجرِ قاتل سے ملتا ہے |
| عجب کرتے ہو کیوں صحبت میں اس کی بیٹھتا ہوں میں |
| وصالِ یار کا نسخہ اسی محفل سے ملتا ہے |
| تمنّا ہی نہ ہو گر منزلِ مقصود پانے کی |
| کہاں پیچھے سے آ کر کوئی جا محمل سے ملتا ہے |
| کڑا ہے عشق کا رستہ نہ سمجھے لاکھ سمجھا لو |
| سبق عاشق کو لیکن یہ دلِ بسمل سے ملتا ہے |
| بہت کرتے ہیں دعوٰی عشق میں جاں پیش کر دیں گے |
| مگر عاشق کوئی سچا بڑی مشکل سے ملتا ہے |
| نہ جانے کس بھروسے جا رپٹ لکھوائی تھانے میں |
| مگر انصاف تو حاکم کسی عادل سے ملتا ہے |
| یہ مانا ہم نے طارق اس سے ہوتی ہیں ملا قاتیں |
| مگر یہ بھی تو بتلاؤ تمہیں کس دل سے ملتا ہے |
معلومات