| عاشق کی خلوت خانے میں محبوب سے باتیں ہوتی ہیں |
| وہ یار کا درشن پاتے ہیں ہر شب ملا قاتیں ہوتی ہیں |
| دنیا سے غافل ہو کر وہ محبوب سے واصل ہوتے ہیں |
| اس قرب و وصل کے ہر لمحے ان پر برساتیں ہوتی ہیں |
| محبوب خدا کے کوچے میں ہر نعمت بانٹی جاتی ہے |
| ہر وقت رسولِ اکرم کے در پر خیراتیں ہوتی ہیں |
| منظور جسے چاہیں وہ کریں یہ ان کی اپنی مرضی ہے |
| وہاں مال و زر کی بات نہیں مطلوب نہ ذاتیں ہوتی ہیں |
| وہ دیتے ہیں ہر سائل کو محدود نہیں ہے کرم ان کا |
| ہاں کس کو کب اور کتنا ملا یہ اپنی براتیں ہوتی ہیں |
| اے کاش نبی کی الفت میں عتیق تجھے آ جاۓ اجل |
| والله محبت میں ان کی مرنے سے راحتیں ہوتی ہیں |
معلومات