| جان و مال اس کو ہمیں فکر تھی کیا دیتے ہوئے |
| ہاتھ میں ہاتھ جو تھا قولِ وفا دیتے ہوئے |
| برگ کتنے ہی مراحل سے گزر کر آخر |
| مر کے ہوتے ہیں امر رنگِ حنا دیتے ہوئے |
| وقت پر وہ بھی پہنچ جایا کرے پاس ترے |
| دیر ہو جائے نہ گر تجھ کو صدا دیتے ہوئے |
| وہ محمّد کے تھے اخلاق جنھیں دیکھا تھا |
| اپنی بیٹی کے بٹھانے کو رِدا دیتے ہو ئے |
| تُم کو بتلاؤں کہ وہ کیسے ملا تھا مجھ کو |
| اس کی آنکھوں میں بھی آنسو تھے پتہ دیتے ہوئے |
| عصرِ بیمار کا اترا ہے معالج دیکھو |
| ہم نے دیکھا ہے مسیحا کو دوا دیتے ہوئے |
| ہر جگہ دل کے ہی بیمار نظر آتے ہیں |
| وہ تو بیمار کو خوش ہو گا شفا دیتے ہوئے |
| اس کی مخلوق سے ہمدردی رکھے گر کوئی |
| پھر تو افسوس اسے ہو گا فنا دیتے ہوئے |
| اُن امیروں کو جو کچھ خوفِ خدا رکھتے ہیں |
| لطف لیں پاس فرشتے بھی جگہ دیتے ہوئے |
| طارق آغازِ تعلّق میں تکلّف چھوڑا |
| ہم دعا کرتے رہے اس کو دُعا دیتے ہوئے |
معلومات