| بنا ہے چاکِ ہستی پر عجب نقشِ فنا مٹی |
| وہی زنداں کی رونق ہے، وہی ہے کیمیا مٹی |
| صراحی رو رہی ہے اب کسی درویش کی خاطر |
| کہ پیاسا مر گیا صحرا میں دے کر خوں بہا مٹی |
| غمِ دوراں کی تلخی میں گھڑے کا آبِ خنک ڈھونڈو |
| ہمیں تو راس آئی ہے بہ رنگِ التجا مٹی |
| کدھر وہ لمسِ دستِ یار، وہ سوندھی سی اک خوشبو؟ |
| ہوئی ہے شہر کے آہن میں اب تو بے صدا مٹی |
| وہ جس مشکیزے سے فیضِ کرم تقسیم ہوتا تھا |
| ہوئی ہے اب تو اس سقّے کے ہاتھوں سے رہا مٹی |
| کبھی ہم بھی تھے اک کوزہ، کسی کے ہاتھ کا ساغر |
| بکھر کر رہ گئی اب تو غبارِ نقشِ پا مٹی |
معلومات