| جانِ ہر دو سریٰ ابتدا آپ ہیں |
| دلربا آپ ہیں مصطفیٰ آپ ہیں |
| کن سے قدرت نے پیدا کئے دو جہاں |
| آن و بانِ غنیٰ مدعا آپ ہیں |
| وہ جو میثاق میں رب سے اقرار تھا |
| شانِ مجلس میں جاں مدعا آپ ہیں |
| طورِ سرمہ ہوا جو تجلیٰ ہوئی |
| چشمِ مشتاق کو وہ ضیا آپ ہیں |
| یہ حسیں دردِ دل جو رفاقت میں ہے |
| اس سے کامل شفا سیدا آپ ہیں |
| میں جو ہوتا کبھی سنگِ در آپ کا |
| یہ قدم چوم کہتا شہا آپ ہیں |
| یا حبیبی ہے ممنون محمود بھی |
| سارے حفظ و اماں کی وجہ آپ ہیں |
معلومات