| اک بے بسی سی سامنے آنکھوں کے چھا گئی |
| جاتے ہوئے چراغ وہ گھر کے بجھا گئی |
| وہ کائناتِ عشق و عدم کا وجود تھی |
| دھرتی سے آسماں کی کشش میں سما گئی |
| ایسی سپاہ ناک تھی شعلوں کی تاب تھی |
| مقتل میں آگ پھونک کے جنگل جلا گئی |
| آئی تھی ایک شورشِ طوفان کی طرح |
| دل کی اجاڑ بستیاں ساری بہا گئی |
| دل میں نہ روشنی نہ کتابوں میں پھول ہیں |
| عنوان زندگی کے وہ سارے مٹا گئی |
| سمجھے گا کون ہجرِ مسلسل کے درد کو |
| ایسی کسک کہ خون کے آنسو رلا گئی |
| شیشہ نما تھے چور وہ صدمے تھے کرچیاں |
| اے زندگی گلو میں تو کیسے چبھا گئی |
| راتوں سے کیا کہ دن سے بھی آنے لگا ہے خوف |
| جب سے وہ دل کو صورتِ کھنڈر بنا گئی |
| مردہ دلوں میں حسرتِ زندہ کی لاش تھی |
| جاگی ہوئی تھیں دھڑکنیں وہ تھپ تھپا گئی |
| چہرہ ملالِ زرد ہے سینہ فگارِ دشت |
| یادوں کی دھوپ پھیل کے آنگن میں آ گئی |
| ساگر کھڑا ہوا ہوں دہانے پہ موت کے |
| پیغامِ مرگ مجھ کو گھڑی وہ سنا گئی |
معلومات