| حادثہ یہ گُزر گیا آخر |
| دل سے تُو بھی اُتر گیا آخر |
| خود وہ مجھ سے بچھڑ گیا آخر |
| قول سے وہ مُکر گیا آخر |
| جب ترا جلوہ ہر جگہ ہے تو |
| پھر میں کیوں تیرے گھر گیا آخر |
| گر تَرے پاس بھی نہیں، تو پھر |
| یہ مِرا دل کدھر گیا آخر |
| کر گیا چھلنی دل کو تیرِ نظر |
| وار یہ کام کر گیا آخر |
| شُکر، لے کر متاعِ وحشتِ دل |
| میں لحد میں اُتر گیا آخر |
| مجھ کو محرومِ التفات کِیا |
| اور خود بھی وہ مر گیا آخر |
| شاہدؔ آ کر وہ آخری لمحے |
| مجھ پہ احسان کر گیا آخر |
| آتشِ ہجر میں سُلگتے ہوے |
| شاہدِؔ خستہ مر گیا آخر |
معلومات