| جگ کی پہچان کہاں ہے کوئی |
| مجھ سا نادان کہاں ہے کوئی |
| رو پڑے دیکھ کے پتھر جس کو |
| غم سے انجان کہاں ہے کوئی |
| آنکھ اشکوں سے ہو خالی جس کی |
| من وہ سنسان کہاں ہے کوئی |
| ہر طرف درد کا تنہا موسم |
| گھر بھی ویران کہاں ہے کوئی |
| پھول ہر جس میں ہو مرجھایا سا |
| کانچ ، گلدان کہاں ہے کوئی |
| کر دے ساکت جو زمانے سارے |
| لب وہ مسکان کہاں ہے کوئی |
| عشق کر کے یہ سمجھ میں آیا |
| راہ آسان کہاں ہے کوئی |
| سوچتا ہوں میں گنوا کے تجھ کو |
| ایسا نقصان کہاں ہے کوئی |
| پوچھ لے حال ترا شاہد جو |
| یار انسان کہاں ہے کوئی |
معلومات