| ثنائے نبی کارِ ذاتِ خدا ہے |
| خدا جانے سارا جو اُن کو ملا ہے |
| وہ یکتا جہانوں میں دلدارِ رب ہیں |
| کہاں اور کوئی حبیبِ الہ ہے |
| زبانِ دہر پر انہی کے ہیں نغمے |
| درود اُن پہ پڑھتا سدا کبریا ہے |
| سرِ عرشِ اعظم بلائے گئے وہ |
| ہے روشن شہادت جو قصرِ دنیٰ ہے |
| جہاں میں ہے چرچا سخائے نبی کا |
| بتا اور داتا سخی کے سوا ہے |
| وہی میرے پیارے ہیں غمخوار آقا |
| نگاہوں میں جن کی دہر کا بھلا ہے |
| ہیں قلزم عطا کے جہانوں کے سرور |
| سخی باب جن کا زماں پر کھلا ہے |
| خدایا زباں پر سجیں گیت اُن کے |
| اسی سے ملے میرے دل کو جِلا ہے |
| یہ محمود جانے کہ لطفِ نبی سے |
| خدا کا کرم ہے جو اس پر ہوا ہے |
معلومات