| جس ذات نے ہر چہ مہ اُس پار لگانا ہے |
| اس محسنِ ہستی کا ہر آن ترانہ ہے |
| سب بھیجیں درود اُن پر جو حکم ہے مولا کا |
| وہ ساقیِ کوثر ہی مختار یگانہ ہے |
| ارفع ہیں جہانوں میں رتبے ہیں جو سرور کے |
| امت کو نبی نے ہی اُس پار لے جانا ہے |
| مختار ہیں ہستی کے دلدار نبی میرے |
| اس اعلیٰ حقیقت کا شاہد یہ زمانہ ہے |
| ہیں نورِ مبیں ہادی قرآن کے حامل بھی |
| قرآن میں ہو دیکھیں کِیا ذکر سہانہ ہے |
| پہچان ملی اُن سے جس خالقِ ہستی کی |
| یہ غور سے خود سوچیں جو قُل سے بتانا ہے |
| محمود نبی اللہ دلبر ہیں جہانوں کے |
| کونین کے سرور کا ہر آن زمانہ ہے |
معلومات