| حسانؔ کی زبان پہ مدحت ہے آپﷺ کی |
| دل میں ہے عشق آپﷺ کا عظمت ہے آپ ﷺ کی |
| کُل عالمین کے لیے رحمت ہیں آپﷺ اور |
| جو کچھ یہاں ہے حسنِ عنایت ہے آپﷺ کی |
| صادق، امین کہتے ہیں اہلِ عرب انہیں |
| کفار کے دلوں میں بھی عظمت ہے آپﷺ کی |
| میرے نبیﷺ کے جیسا نبی کوئی اور نہیں |
| دنیا میں بے مثال رسالت ہے آپﷺ کی |
| جیسے ہے فرض رب کی اطاعت اے مومنو! |
| ویسے ہی فرض ہم پہ اطاعت ہے آپﷺ کی |
| مولائے من! ہیں آپ نبی آخرالزماں |
| تا حشر میرے آقاؐ نبوت ہے آپﷺ کی |
| حسانؔ کوئی پوچھے جو دل میں ہے کیا بتا |
| کہہ دو کہ عشق آپﷺ کا الفت ہے آپﷺ کی |
معلومات