| ہم مسافر آ گئے مستانہ تیرے شہر میں |
| لوگ سمجھے ہیں ہمیں بیگانہ تیرے شہر میں |
| آ گئے ہیں پی کے جائیں گے یہاں دو چار جام |
| دی خبر ساقی نے ہے مے خانہ تیرے شہر میں |
| اُن کی مت پوچھو ہتھیلی پر لئے پھرتے ہیں جاں |
| پیش کر دیتے ہیں جو نذرانہ تیرے شہر میں |
| اب محبّت پر یقیں آ جائے گا شاید تمہیں |
| اک حقیقت بن گئی افسانہ تیرے شہر میں |
| ساتھ تُو لایا ہمیں اتنا بھروسہ تجھ پہ ہے |
| ہم نے سیکھا ہی نہیں چلّانا تیرے شہر میں |
| جانتے ہو عشق میں پروا ہے کس کو جان کی |
| جب جلی مشعل جلا پروانہ تیرے شہر میں |
| نام تیرا لے کے ہم جس جس گلی میں بھی گئے |
| اُس گلی میں سب ہوئے دیوانہ تیرے شہر میں |
| جو بھی طارق جانتا تھا تجھ کو گرویدہ ہُوا |
| کس نے اب تک بھی نہیں پہچانا تیرے شہر میں |
معلومات