| مکمل کوشش۔۔ |
| ابھی ہے رات میری دن ہے میرا |
| ابھی بوتل میں میری جِن ہے میرا |
| ہوں خود کو جوڑنے کی کوششوں میں |
| وجودِ خاک ہی بِن بِن ہے میرا |
| کھلاڑی عشق میں آیا نیا ہوں |
| ابھی معشوق بھی کم سِن ہے میرا |
| یہی سُر تال ہے سرگم یہی سانس |
| دھنا دِھن دِھن دھنا دِھن دِھن ہے میرا |
| گمانِ وصل نے شوریدگی دی |
| سکوتِ ہجر اب محسن ہے میرا |
| نکل آیا ہوں آئینے سے باہر |
| کوئی ظاہر نہیں باطِن ہے میرا |
| علی شیؔدا عجب طرزِ تّکلم |
| یہاں ممکن وہاں لیکن ہے میرا |
| *علی شیؔدا* |
معلومات