| سب سَماں ہے نور و نور |
| ظلمتیں ہوتی ہیں دور |
| رحمتوں کا ہے ظُہُور |
| آج آئے ہیں حضورؐ |
| سب چَمن ہے شادماں |
| کِھل اُٹھی ہیں کلیاں |
| باغباں کو ہے سَرور |
| آج آئے ہیں حضورؐ |
| ہر زَباں یہ کہتی ہے |
| اپنی قسمت چمکی ہے |
| نکلا ہے ماہِ ظُہُور |
| آج آئے ہیں حضورؐ |
| آ گئے شاہِ شَہاںؐ |
| بڑھ گئی شانِ جِناں |
| خوش ہُوے حُور و قُصُور |
| آج آئے ہیں حضورؐ |
| سُن کر آمد کی خَبر |
| جُھومتے ہیں سب بَشر |
| قدسیوں کو ہے سَرور |
| آج آئے ہیں حضورؐ |
| مالکِ کُل آ گئے |
| کعبے کے بُت گِر پَڑے |
| آج بدلے ہیں اُمُور |
| آج آئے ہیں حضورؐ |
| چل پَڑی نبضِ جَہاں |
| سج گئے کون و مَکاں |
| آج آئے ہیں حضورؐ |
| آج آئے ہیں حضورؐ |
| جانِ عالم آئے ہیں |
| شانِ عالم آئے ہیں |
| یعنی نورِ کوہِ طُور |
| آج آئے ہیں حضورؐ |
| نعت آقاؐ کی کَہو |
| شکر مولا کا کَرو |
| اور کَرو ایسا ضَرور |
| آج آئے ہیں حضورؐ |
| یاخدا ہے التجا |
| دل رَہے میرا سَدا |
| عشقِ احمدؐ میں ہی چُور |
| آج آئے ہیں حضورؐ |
| مصطفی خیر الانامؐ |
| یومِ آمد پر سَلام |
| ہو گیا عالم طَہُور |
| آج آئے ہیں حضورؐ |
| تُو بھی شاہدؔ مانگ لے |
| مغفرت اللہ سے |
| لطفِ حق میں ہے وَفُور |
| آج آئے ہیں حضورؐ |
معلومات