| اک رشکِ حور حسن پہ مغرور ہے سحاب |
| اک دل کہ اس کے عشق سے معمور ہے سحاب |
| کیسا دیارِ عشق کا دستور ہے سحاب |
| ہر رانجھا اپنی ہیر سے ہی دور ہے سحاب |
| لیلی ہے ہجرِ قیس میں غمگین اشکبار |
| مجنوں فراقٍ لیلی میں رنجور ہے سحاب |
| اک چاند کٍھل سکا نہ مرے آسماں پہ حیف |
| ہر رات اپنی زیست کی بے نور ہے سحاب |
| تاروں کو توڑ لانا مری جان ہے محال |
| سمجھو نہ سامری اسے، مزدور ہے سحاب |
| پہلی مئی کو چھٹی ہے مزدور کا ہے دن |
| چھٹی کے روز کام پہ مزدور ہے سحاب |
| اس بے وفا کے زخم کا مرہم نہیں کوئی |
| زخمِ جفا نہیں ہے یہ ناسور ہے سحاب |
| نازک مزاج دل جو دیا سنگ دل کے ہاتھ |
| سنگِ جفا سے آئینہ دل چور ہے سحاب |
| ترسے گا ابرِ عشق کو اب تو اے تشنہ کام |
| تیری نگاہٍ بے وفا سے دور ہے سحاب |
| جیتا ہوا تھا بازی مگر ہو گئی ہے مات |
| دشمن مری سپاہ میں مستور ہے سحاب |
معلومات