| میں دشتِ رنگ و بو کو اپنا جہان سمجھا |
| اس نیلگوں فضا کو تھا آسمان سمجھا |
| اک نُور کی کرن نے سِحْرِ نگاہ توڑا |
| فانی جہان کو اور ظرفِ زمان سمجھا |
| افکار میرے تھک کر ہستی میں رہ گئے تھے |
| تیرے عروج سے جاں میں لامکان سمجھا |
| النجم کہہ کے رب نے روداد جو کہی ہے |
| آفاقِ ہست کے میں کون و مکان سمجھا |
| تیرے جو شوق نے سب پردے اٹھا دیئے ہیں |
| میں رازِ راز سمجھا ضبطِ بیان سمجھا |
| ہیں پیچ و خم میں سارے اجرام یہ فلک کے |
| اسریٰ سے عرش منزل رفتِ عنان سمجھا |
| سوزِ دروں سے جگمگ ہیں دیپ انجمن کے |
| میں وجہِ کن کو آخر عالم کی جان سمجھا |
| باغاتِ خُلد کے اور منظر نظارے سارے |
| غایت میں اُن کی سمجھا کن کا بھی دان سمجھا |
| کیسے وجودِ گردوں اب تک رواں دواں ہے |
| تیری وجہ سے ایزد ہے مہربان سمجھا |
| پیدا نہیں ہے یوں ہی مقصودِ خلق بھی ہے |
| نورِ جہان کو میں چمن کی آن سمجھا |
| تصویر خود مصور کے فن کی ہے گواہی |
| توصیفِ مصطفیٰ کو قادر کی شان سمجھا |
| اک آگہی ملی ہے قُل سے مجھے اے محمود |
| شارع کتابِ حق سے ہوں سرِّ بیان سمجھا |
معلومات