| مِرے ہی اپنے خیالوں میں گم چکا ہے اب اطمِنان میرا |
| گماں قیامت کا کیوں نہ ہو پھر کہ سرخ ہے آسمان میرا |
| تُو آ گیا تھا تو بن گیا تھا یہ گھر بھی تب گلستان میرا |
| مہک گیا تھا ہر ایک جانب سے ان دنوں یہ مکان میرا |
| وہ جانتا ہے کہ مخلصی سے نہیں ہٹوں گا میں پیچھے پھر بھی |
| وہ لے رہا ہے ہر ایک پل میں ہزار بار امتحان میرا |
| میں بے جھجھک حق کی بات کرنے لگا ہوا ہوں بہادری سے |
| سو ڈر رہا ہے زمانے والوں سے اب کے ہر پاسبان میرا |
| مجھے یقیں ہے تُو لوٹ آئے گا جلد واپس، اسی لیے تو |
| کھلا ہے ہر دم اے جانِ جاناں تِرے لیے آستان میرا |
| ہر ایک گل میری شاعری کے چمن کا اب جو مہک رہا ہے |
| قلم سے ہوئی ہے یاری ثاقبؔ، بنا ہے یہ ترجمان میرا |
معلومات