| دین کے پہلے مجاہد ہوئے اصحاب بدر |
| بعد والوں کے یوں قائد ہوئے اصحاب بدر |
| اہلے توحید بھلا کون ہوا ان جیسا |
| شان میں اپنی ہی واحد ہوئے اصحاب بدر |
| کفر کے بیٹوں کو لمحوں میں اجاڑا ایسے |
| زلزلہ بن کے ہیں وارد ہوئے اصحاب بدر |
| میرے سرکار کے اصحاب میں رتبے والے |
| پارسا عابد و زاہد ہوئے اصحاب بدر |
| دین اسلام پہ جاں اپنی فدا کر کر کے |
| شان اسلام پہ شاہد ہوئے اصحاب بدر |
| جام وحدت کے پیے عشق سے سیراب ہوئے |
| حق سے واصل ہوئے راشد ہوئے اصحاب بدر |
| میرے اصحاب ستاروں کی طرح ہیں لوگو |
| یوں بھی تو حق کے ہیں قاصد ہوئے اصحاب بدر |
| حمد اللہ کی اور نعت نبی کی پڑھنا |
| واہ کیا شان کے حامد ہوئے اصحاب بدر |
| تین سو تیرہ ہیں اور سامنے لشکر بھاری |
| پھر بھی کفار پہ زائد ہوئے اصحاب بدر |
| میرے مولی تو کرم اہل غزہ پر کردے |
| بھیج ایسے جو مجاہد ہوئے اصحاب بدر |
| آؤ ذیشان ترانے پڑھیں مل کر سارے |
| صاحب مجد و محامد ہوئے اصحاب بدر |
معلومات