ہر برائی میں رہتی زحمت ہے |
پڑتی اک دن چکانی قیمت ہے |
کیوں تذبذب تمہارے ہے دل میں |
"ہے محبت تو بس محبت ہے" |
جس شئہ نے فریب میں ڈالا |
فانی دنیا کی زيب و زینت ہے |
مندمل زخم ہوں یکایک سب |
ہوتی ہمدم سے جب بھی خلوت ہے |
کر دیا راز فاش راحت نے |
چھپ نہ سکتی کبھی مسرت ہے |
آج محکوم کیوں بنے ہیں ہم |
اپنے کرتوت کی نحوست ہے |
حق بیانی سے جیت لیں بازی |
ماننے والوں کو نصیحت ہے |
گر یہ ناصؔر ضمیر روشن ہو |
جاگتی پھر یہ سوئی قسمت ہے |
معلومات