| اصحاب ستارے ہیں یہ آقا نے بتایا |
| راضی ہے خدا ان پہ یہ قرآن میں آیا |
| صدیق محبت سے خلافت میں ہیں اول |
| آقا نے انہیں خود ہی بلافصل بنایا |
| فاروق نے بالا کیا ہے عدل کا پرچم |
| ہر ظلم پہ تلوار کو بے باک اٹھایا |
| عثمانؓ کی بخشش کی گواہی ہے کافی |
| قرآن کا نسخہ جو انہی ہاتھوں سے آیا |
| قرآن کی خدمت میں رہے پیش قدم وہ |
| دو بار نبی نے جنہیں داماد بنایا |
| حیدر تھے شجاعت کا وہ بے مثل کھلاڑی |
| اک ہاتھ سے خیبر کا درِ جہل اٹھایا |
| اسلام پہ آئی جونہی کربل کی مصیبت |
| سر دے کے نواسے نے ہے پھر دین بچایا |
| محمد اویس قرنی |
معلومات