| غموں کی دھوپ میں سر پر ہے سایہ |
| جبھی تو پیڑ آنگن میں لگایا |
| ۔۔۔۔۔۔۔۔۔۔۔۔۔۔۔۔۔۔۔ |
| ترا ہر غم مجھے پہچانتا ہے |
| مرا اپنا ہے کب ہے وہ پرایا |
| ۔۔۔۔۔۔۔۔۔۔۔۔۔۔۔۔۔۔۔ |
| نظر انداز جس کو کر رہا تھا |
| مصیبت میں مرے وہ کام آیا |
| ۔۔۔۔۔۔۔۔۔۔۔۔۔۔۔۔۔۔۔ |
| اُسی کے پاؤں میں دنیا پڑی ہے |
| زمانے نے جسے اتنا ستایا |
| ۔۔۔۔۔۔۔۔۔۔۔۔۔۔۔۔۔۔۔ |
| دعاؤں کا ثمر پایا ہے میں نے |
| خزانہ ایک اب ہاتھوں میں آیا |
| ۔۔۔۔۔۔۔۔۔۔۔۔۔۔۔۔۔۔۔ |
| غلط فہمی نے سب کچھ توڑ ڈالا |
| بڑے ہی پیار سے تھا گھر بنایا |
| ۔۔۔۔۔۔۔۔۔۔۔۔۔۔۔۔۔۔۔ |
| وہ جس نے خاک سے پیدا کیا تھا |
| اُسی نے خاک میں سب کچھ ملایا |
| ۔۔۔۔۔۔۔۔۔۔۔۔۔۔۔۔۔۔۔ |
| بہت مشکل میں ہے میرا وطن یہ |
| حفاظت اِس کی کرنا اے خدایا |
| ۔۔۔۔۔۔۔۔۔۔۔۔۔۔۔۔۔۔۔۔ |
| مرا ماضی نہیں بھولا ہے مجھ کو |
| ہمیشہ یاد ہے کب ہے بھلایا |
| ۔۔۔۔۔۔۔۔۔۔۔۔۔۔۔۔۔۔۔۔ |
| میں مانؔی ورنہ پتھر ہو گیا تھا |
| نیا احساس اس نے ہے جگایا |
معلومات