| جو دیدارِ حسنِ اتم مانگتے ہیں |
| گدائے نبی ہیں کرم مانگتے ہیں |
| درِ جانِ جاں کا ہو دیدار حاصل |
| مدد پیارے شاہِ امم مانگتے ہیں |
| کریں وقف جینا نبی کے لئے ہم |
| چلیں جن کے نقشِ قدم مانگتے ہیں |
| ملے دید مجھ کو دہر کے حسیں کی |
| گراں فاصلے سب ختم مانگتے ہیں |
| لگی سب امیدیں درِ شاہ سے ہیں |
| اے آقا یہ قائم بھرم مانگتے ہیں |
| ہیں انعامِ قدرت کے قاسم شہے دیں |
| مدینے کے باغ و ارم مانگتے ہیں |
| عطا کر دیں ہادی جو بطحا کے جلوے |
| وہ منظر امیرِ حرم مانگتے ہیں |
| چلیں راہِ ہادی کشادہ جو سب سے |
| سروں پر نبی کا عَلم مانگتے ہیں |
| رکھے تاباں دل کو حسیں یادِ دلبر |
| سجا اس سے اپنا جنم مانگتے ہیں |
| اے شاہِ مدینہ اے احسانِ یزداں |
| اٹھے امتی پھر وہ دم مانگتے ہیں |
| ہے محمود راضی اسی در پہ آقا |
| کرم تیرے شاہِ امم مانگتے ہیں |
معلومات