| یاد تیری ، ہمیں مدّت ہوئی آتی بھی نہیں |
| آ بھی جائے تو وہ پہلا سا ستاتی بھی نہیں |
| فصلِ گل کاٹتے تم کو بھی زمانہ گزرا |
| وہ جو خوشبو سی ، چمن میں ہے وہ جاتی بھی نہیں |
| چاند آنگن میں نئے طور سے جو ابھرا ہے |
| کیوں نظر چاندنی اس کی تمہیں آتی بھی نہیں |
| یونہی برسات کے موسم میں چلے آئے ہو |
| اشک ورنہ یہ مری آنکھ بہاتی بھی نہیں |
| داستاں اپنی اب اتنی بھی تو دل سوز نہیں |
| تیری پلکوں پہ جو موتی ہیں گراتی بھی نہیں |
| اس کے آ جانے سے رنگوں کی بہار آئی ہے |
| ورنہ آئی تھی خزاں ایسی کہ جاتی بھی نہیں |
| تم بھی ہو جاؤ گے دیکھو تو اسے دیوانہ |
| ہو گئی اس سے محبّت تو وہ جاتی بھی نہیں |
| طارق انداز تِرا اجنبی لگتا ہے ذرا |
| صاف کہہ دینے کی عادت تری جاتی بھی نہیں |
معلومات