| ختم ہے تجھ پر نبوت اے امام الانبیاء |
| تجھ پہ نازاں ہے رسالت اے امام الانبیاء |
| آپ سے بہتر طریقِ زندگی کوئی نہیں |
| بے مثل ہے تیری سیرت اے امام الانبیاء |
| ختم رب نے کر دیا ہر مرتبہ تجھ پر شہا |
| آپ کی یہ شان و شوکت اے امام الانبیاء |
| آپ کے دم سے ہے قائم یہ وجودِ کائنات |
| آپ ہیں الله کی رحمت اے امام الانبیاء |
| آپ کے دربار سے خالی نہیں آتا کوئی |
| اللہ اللہ یہ سخاوت اے امام الانبیاء |
| حشر کے دن آسرا میرا فقط ہیں آپ ہی |
| کیجئے میری شفاعت اے امام الانبیاء |
| یا رسول اللہ عتیقِ بے نوا پر ہو کرم |
| دین پر دو استقامت اے امام الانبیاء |
معلومات