| تیرا حَجر شجر نے کلمہ پڑھا ہے آقا |
| ڈنکا حسیں ثنا کا جگ نے سنا ہے آقا |
| دل شاد وہ کرے گا ہے وعدہ کبریا کا |
| جو حشر میں ہے چلنا تیرا کہا ہے آقا |
| اوجِ فلک پہ ہادی جس نام کا ہے ڈنکا |
| یہ نام عرش پر بھی رب نے لکھا ہے آقا |
| آئے علم میں تیرے اسرارِ کبریا ہیں |
| تجھ کو کشاد سینہ حق نے دیا ہے آقا |
| بیدار دل کو رکھنا آنکھوں کو ایسے خفتہ |
| طرفہ سماں سکوں کا تجھ کو ملا ہے آقا |
| بحرِ کمال سارا گھیرے میں تیرے آیا |
| اس دان کا یہ حلقہ کتنا بڑا ہے آقا |
| محمود کو اے داتا دے آل کی غلامی |
| اپنوں میں اس کو رکھنا تیرا فدا ہے آقا |
معلومات