.jpg)
| لَہجہ ہے دِلبَرانہ میرے حضورؐ کا |
| ہر لفظ عارفانہ میرے حضورؐ کا |
| مُسکانِ سَروری ہے مِشکات نُور کی |
| دیکھو یہ مُسکرانا میرے حضورؐ کا |
| فاقہ ہے گھر میں لیکن دستِ عطا ملا |
| لَنگر ہے بیکرانہ میرے حضورؐ کا |
| میدانِ حشر نے کی تصدیق بَرملا |
| سائل ہے کُل زمانہ میرے حضورؐ کا |
| آتا ہے رُوپ بدلے دیدِ حضورؐ کو |
| رُوحِ قُدس دیوانہ میرے حضورؐ کا |
| پاپوش پہنے پہنچے قُربِ جلال میں |
| معراج ہے یگانہ میرے حضورؐ کا |
| جامیؒ نے کہہ کے چُوما ماتھا غُلام کا |
| لکھتا ہے یہ ترانہ میرے حضورؐ کا |
معلومات