| میں اکثر بھول جاتا ہوں |
| کسی کو کچھ بتانا ہو |
| کسی کو غم سنانا ہو |
| جہاں آنسو چھپانے ہوں |
| وہیں آنسو بہاتا ہوں |
| میں اکثر بھول جاتا ہوں |
| میں اپنا دکھ چھپا کر بھی |
| ہنسی کی بات سنا کر بھی |
| دریدہ دامنی اپنی |
| رفو گر کی نگاہوں سے |
| چھپانا بھول جاتا ہوں |
| میں اکثر بھول جاتا ہوں |
| میرے گھر میں جو غربت ہو |
| فاقے ہوں بیماری ہو |
| میرے بچے پیاسے ہوں |
| چاہے جتنی لاچاری ہو |
| کسی مونس سہارے کو |
| بتانا بھول جاتا ہوں |
| میں اکثر بھول جاتا ہوں |
| کبھی ایسا بھی ہوتا ہے |
| کھڑی سر پر مصیبت ہو |
| اور ایسے میں مجھے مخلص |
| سہارے کی ضرورت ہو |
| مگر میں شرم کے مارے |
| کسی ساتھی پیارے کو |
| بتانا بھول جاتا ہوں |
| میں اکثر بھول جاتا ہوں |
| نا جانے کب تلک مجھ میں |
| یہ عادت بھول جانے کی |
| رہے گی اس طرح آخر |
| ہزاروں بار سوچا ہے |
| کہ اپنی اس لاچاری کو |
| ختم کر کے ہی دم لوں گا |
| مگر افسوس ہے ساغر |
| میں جتنا بھی جتن کر لوں |
| یہ عادت بھول جانے کی |
| غموں میں مسکرانے کی |
| روزانہ یاد کرتا ہوں |
| روزانہ بھول جاتا ہوں |
| میں اکثر بھول جاتا ہوں |
معلومات