| اللہ کے سوا ان کا مسبب تو نہیں ہے |
| مسلم کے سوا کوئی بھی اقرب تو نہیں ہے |
| ہر طرح بڑے، قوموں میں، اصحابِ محمد ﷺ |
| ان اُمِّیوں کا، بر زمیں، مکتب تو نہیں ہے |
| ایثارِ صِحابہ ہیں، ترے واسطے، قصّے |
| یہ عشق ہے، واعظ کوئی کرتب تو نہیں ہے |
| قرآن دیا صرف عطا کرنے ہدایت |
| آیات میں کچھ غرض یا مطلب تو نہیں ہے |
| اسلام جہاں بھر میں ہوا جاتا ہے پستہ |
| دیکھ اس کے قمر پر لگا عقرب تو نہیں ہے |
| مسلم سے دلیروں پہ جو آکاش پھٹا ہے |
| گردش میں فلک پر کوئی کوکَب تو نہیں ہے |
| واعظ جو بتا دیتا ہے مسلم کو بھی کافر |
| اس کی زباں پہ کافروں کا لب تو نہیں ہے |
| ملّا ہے پڑا حُلیُوں کے پیچھے ہے تعجّب |
| اسلامِ خدا دین ہے مذہب تو نہیں ہے |
| واعظ کو ذکیؔ دوگے ہدایت تو کہے گا |
| یہ فکر تری ہے، ترا منصب تو نہیں ہے |
معلومات