| تیرگی میں دل کی لے کر روشنی آیا ہے کون |
| دشمنوں کی کر کے باتیں ان سنی آیا ہے کون |
| دوستی آپس کی چھُوٹی چھوٹی چھوٹی بات پر |
| اب مٹانے کو ہماری دشمنی آیا ہے کون |
| رات تاریکی میں آنگن کس قدر سُونا لگا |
| پھر کسی نے ہے بچھائی چاندنی آیا ہے کون |
| رت جگوں نے خواب چھینے کتنی آنکھوں سے مگر |
| آسماں سے اب سنانے راگنی آیا ہے کون |
| گو کبھی گنتی نہیں کی نعمتیں اتنی ملیں |
| دستِ شفقت کو بنائے اوڑھنی آیا ہے کون |
| جھوٹ سچ کی اس زمانے میں کہاں پہچان ہے |
| ہاں سنی گلیوں میں لیکن گفتنی آیا ہے کون |
| منہ کی باتیں تھیں فقط ان پر عمل کوئی نہ تھا |
| گفتنی جو ہو گئی ہے کردنی آیا ہے کون |
| کر نہیں سکتے خدا کا شکر ہم طارق ادا |
| اب ہمیں دینے دعائیں اَن گِنی آیا ہے کون |
معلومات