نفرت کی بات ہے نہ سیاست کی بات ہے |
بزمِ نبی میں نعتِ رسالت کی بات ہے |
سجدے میں سر جھکاتے ہیں اللہ کے حبیب |
محشر میں عاصیوں کی شفاعت کی بات ہے |
جاؤں گا ایک روز محمد کے شہر میں |
انکے کرم کی بات عنایت کی بات ہے |
یوں با ادب کہا ہے ربیعہ نے آپ سے |
جنت میں اے کریم رفاقت کی بات ہے |
میلادِ مصطفیٰ جو سجاتے ہیں اپنے گھر |
اللہ کے رسول سے چاہت کی بات ہے |
تعظیمِ مصطفیٰ میں کھڑے ہوگئے سنّی |
نجدی نہ اٹھ سکا یہ عداوت کی بات ہے |
ناموسِ مصطفیٰ پہ تصدق ہے میری جان |
اللہ کی قسم یہ اطاعت کی بات ہے |
معلومات