| زندگی جتنی مختصر دیکھی |
| اس سے بھی بڑھ کے بے خبر دیکھی |
| وصل کی رات اتنی چھوٹی کہ |
| آن کی آن میں سَحَر دیکھی |
| شہر میں بستیوں میں گلیوں میں |
| اتنی غربت کہ سر بسر دیکھی |
| جس کی شہرت تھی ساری بستی میں |
| آج گلیوں میں در بدر دیکھی |
| چُوم لیتا ہوں اس کی پیشانی |
| جس پہ پڑتی تری نظر دیکھی |
| جتنا پتلا قمر ہے راتوں کا |
| اس سے پتلی تری کمر دیکھی |
| یاد پڑتا ہے اس محلّے میں |
| ایک لڑکی ادھر اُدھر دیکھی |
| خود کُشی کر رہی ہے ناداری |
| پند و تلقین بے ثمر دیکھی |
| ٹھیک سمجھوں جسے وہ کہتا ہوں |
| گرچہ ہر بات بے اثر دیکھی |
| صبحِ نَو ہے نیا فسانہ کہو |
| یہ کہانی تو رات بھر دیکھی |
| کیوں پریشان و بے سکوں ہو امید |
| کیا کوئی رات بے سَحَر دیکھی |
معلومات