| روکِ نہ رُک سکے گا یہ ماتم حسین کا |
| کربل میں خوں کا بہتا ہے زمزم حسین کا |
| جسموں سے اپنے خون کے چشمے نکال کر |
| انصار رن میں بھرتے رہے دم حسین کا |
| کفار کی شکست ہے اور جیت دین کی |
| ہونے خدا نے سر نہ دیا خَم حسین کا |
| کٹوا کے سر ہے زندگی اسلام کو جو دی |
| بھرنے بھی کلمہ دین لگا دم حسین کا |
| برسی تھی آگ چرخ سے جلتی زمیں رہی |
| کربل میں پیاس کرتی ہے ماتم حسین کا |
| پائی رہائی شام کے زنداں سے جس گھڑی |
| اہلِ حرم منانے چلے غم حسین کا |
| صائب کے لب پہ رہتی ہے ہر وقت یہ دعا |
| میرے خدا مجھے ملے پرچم حسین کا |
معلومات