| قابو میں دل کو رکھ کے یہ سن بات آخری |
| شاید کہ ہو رہی ہو ملاقات آخری |
| دل کو یقین ہے کہ یہ ہے رات آخری |
| لکھنی ہیں دل کے ہاتھ سے آیات آخری |
| رہ جائے اب نہ حسرتِ حالات آخری |
| سو کیجیے ناں دل سے مدارات آخری |
| اب اس کے بعد اشک نہ ہم روک پائیں گے |
| بس ہو رہی ہیں تم سے شکایات آخری |
| شاید کہ مستیوں میں پتا ہی نہیں چلا |
| لگتا ہے ہو چکی ہے وہ برسات آخری |
| بانہوں میں لے کے مست نگاہوں نے یہ کہا |
| "کیسی لگی ہے آپ کو سوغات آخری" |
| (ڈاکٹر دبیر عباس سید) |
معلومات