| کہہ رہے ہیں ہم نوا اشعار کہنا چھوڑ دے |
| تیرنا مشکل ہے تو دریا میں رہنا چھوڑ دے |
| یا کسی ساحل پہ جا کر اپنا چھپّر ڈال لے |
| یا تلاطم خیز بن گلیوں میں بہنا چھوڑ دے |
| یا روا و ناروا کی بحث میں الجھا نہ کر |
| یا شکم پرور نہ بن اور آب و دانہ چھوڑ دے |
| اُس کو تیری چاہ نہیں تو غیرتِ عشّاق بن |
| اس کے گھر کے آج سے چکّر لگانا چھوڑ دے |
| ہر جگہ اشعار پڑھنے سے بدلنے کا نہیں |
| آپ تو بیزار ہے اوروں کو کرنا چھوڑ دے |
| دُور ہیں اللہ سے جو اُن کے ذرا نزدیک رہ |
| ناروا ہے تُو انہیں ملنا ملانا چھوڑ دے |
| درہم و دینار ہی کیا گوہرِ مقصود ہیں |
| جو تجھے مغلوب کر لے وہ خزانہ چھوڑ دے |
| یا تو کر ترکِ تعلّق اس زمانے سے امید |
| یا مخالف قوّتوں کے وار سہنا چھوڑ دے |
معلومات