یہاں سب سے بھیانک مسئلہ یہ ہے کہ آپ کی غزل میں قافیہ نہیں ہے اور بغیر قافیے کے غزل نہیں ہوتی -

اب اس کی زبان و بیان بہتر کریں
کسے اپنا کہیں کس کو پرایا
تعلق میں عجب اک مرحلہ ہے
--- کسے اپنا اور کسے پرایا یہ ایک مرھلہ نہیں لہذا عجب اک مرحلہ گرامر کے لحاظ سے درست نہیں ہے
آپ اس تمھیں اپنا سمجھ لیں یا پرایا - کر سکتے ہیں

محبت میں ہوس کی بو نہ آئے
اے دل داروں تمہیں یہ مشورہ ہے
== دل داورں جمع ہوتا ہے - مخاطب کرنا ہو تو دل دارو لکھیں گے -

کسی کی یاد کو لکھنا جلانا
یہی دن رات کا اب مشغلہ ہے
== یاد لکھی یا جلائی نہیں جاتی - یاد میں لکھی ہوئی تحریریں جلائی جاتی ہیں -

جہاں پہلے ملے تھے ہم وہیں پر
محبت کا ہمارے مقبرہ ہے
== ہمارے نہیں ہماری

نہیں پہنچا کوئی اب تک سخن ور
غزل گو میر کا جو مرتبہ ہے
== جملہ نا مکمل ہے اس میں "وہاں" وغیرہ کا استعمال کرنا ہوگا -

السلام علیکم ورحمتہ اللہ وبرکاتہ
ارشد سر ! آپ کا بہت بہت شکریہ اصلاحی تبصرہ کرنے کے لئے ۔
سر ! ایک نگاہ اور ہماری کوشش(غزل) کی جانب ہو جائے تو بہت مہربانی ہوتی۔

جزاک اللہ خیراً کثیرا
بارک اللہ فیک

اچھی غزل ہے - ماشااللہ

کچھ تجاویز

تمہیں مجھ سے ہی آخر کیوں گلہ ہے
-تمھیں مجھ ہی سے آخر کیوں گلہ ہے
یہاں سب کو سبھی سے مسئلہ ہے
تمہیں اپنا سمجھ لیں یا پرایا
تعلق میں عجب اک مرحلہ ہے
محبت میں ہوس کی بو نہ آئے
اے دل دارو تمہیں یہ مشورہ ہے
کسی کی یاد میں لکھنا جلانا
-تری یادوں کو لکھنا پھر جلانا
یہی دن رات کا اب مشغلہ ہے
جہاں پہلے ملے تھے ہم وہیں پر
محبت کا ہماری مقبرہ ہے
نہیں پہنچا کوئی واں تک سخن ور
غزل گو میر کا جو مرتبہ ہے
-غزل میں میر کا جو مرتبہ ہے

سر ! بہت بہت شکریہ ۔
سر ! اگر یہاں آپ کو مناسب لگے تو آپ سے رابطے میں رہنے کے لئے اپنا واٹشپ نمبر دے دیں ۔
یا میرے نمبر پر آپ خود ٹیکسٹ کر دیں ۔
(8756492394)

شکرا جزیلا سر

جناب میں کیلیفورنیا میں رہتا ہوں اور مجھے نہیں اندازا کہ یہ آپ کا نمبر کس ملک کا ہے تو ٹائم ڈفرنس کیا ہوگا -
آپ اس سائٹ پر میل کا آپشن استعمال کر کے مجھ سے رابطے میں رہ سکتے ہیں -

جی ضرور سر۔
ان شاء اللہ