| کامل جہاں میں ہر جا فرمانِ مصطفیٰ ہے |
| دارین میں سہارا دامانِ مصطفیٰ ہے |
| ارفع کیا خدا نے ذکرِ حبیب رب کو |
| عکسِ جمالِ ایزد ہر شانِ مصطفیٰ ہے |
| درجے ہیں مصطفائی پوشیدہ ہر بشر سے |
| پنہاں خرد کے دم سے عرفانِ مصطفیٰ ہے |
| الطافِ ہیں نبی کے آلِ رسول ہمدم |
| سبطین کی یہ جوڑی چشمانِ مصطفیٰ ہے |
| رونق جہاں میں ساری ان کے ورود سے ہے |
| جملہ نعیمِ جنت خوانِ مصطفیٰ ہے |
| احساں ہیں وہ خدا کے مومن پہ ہر زماں میں |
| آلِ نبی جہاں میں احسانِ مصطفیٰ ہے |
| محمود یاد ان کی تریاقِ زندگی ہے |
| کل سایہ حشر میں بھی دامانِ مصطفیٰ ہے |
معلومات