| چراغِ زیست تمنائے دل جلا نہ کرے |
| اسے کہو کہ چرا کر نظر ملا نہ کرے |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| ہوا میں تیر اچھالے ہیں دشمنوں نے بہت |
| کوئی بھی بھول کے طائر ابھی رہا نہ کرے |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| ہمیشہ ہی جو غریبوں کے کام آتا ہے |
| کبھی یہ ہو نہیں سکتا کہ وہ بھلا نہ کرے |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| ہمیں ملے ہیں بہت رنج و غم زمانے میں |
| دعا کرو کہ کسی کو بھی غم ملا نہ کرے |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| اُسے کہو کہ جدائی کے زخم بھرتے نہیں |
| اسے کہو کہ وہ پھر بعد میں گلہ نہ کرے |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| کوئی بھی شخص بچھاۓ نہ جال ان کے لئے |
| کوئی بھی شخص پرندوں کو اب خفا نہ کرے |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| غرور خاک میں ہم کو ملا کے چھوڑ نہ دے |
| عروج ہم کو وہ ایسا کبھی عطا نہ کرے |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| ہمارے دل میں رہے وہ ہمیشہ ہی مانی |
| ہماری آنکھوں میں بے شک کبھی رہا نہ کرے |
معلومات