| مری بیکار عادت ہے رو زانہ بھول جاتا ہوں |
| کہیں پر کچھ اگر رکھ دوں اٹھانا بھول جاتا ہوں |
| بھلا دوں گا یہ عادت میں ہزاروں بار سوچا ہے |
| یہ عادت بھول جانے کی بھلانا بھول جاتا ہوں |
| تمہارا نام مستی میں کہیں پر میں اگر لکھ دوں |
| کسی الزام سے پہلے مٹانا بھول جاتا ہوں |
| عجب ہے مسئلہ میرا میں تجھ کو یاد کرتا ہوں |
| اور ایسا یاد کرتا ہوں بھلانا بھول جاتا ہوں |
| جو باتیں دل میں رہتی ہیں تمہیں جاناں بتانے کی |
| مگر جب تم سے ملتا ہوں بتانا بھول جاتا ہوں |
| میں جب تحریر کرتا ہوں تری یادیں تری باتیں |
| قلم رکھتا ہوں کاغذ پر اٹھانا بھول جاتا ہوں |
| کبھی ایسا بھی ہوتا ہے سہارے کی ضرورت ہو |
| مگر میں شرم کے مارے بتانا بھول جاتا ہوں |
| میں لوگوں سے چھپاتا ہوں دریدہ دامنی اپنی |
| رفو گر کی نگاہوں سے چھپانا بھول جاتا ہوں |
| کبھی حالات ہو گھر میں کبھی فاقہ ہو غربت ہو |
| کسی محسن کو پیارے کو بتانا بھول جاتا ہوں |
| میں ہوں حسانؔ اے لوگوں مری اکثر یہ عادت ہے |
| رو زانہ یاد کرتا ہوں رو زانہ بھول جاتا ہوں |
معلومات